Gusto ko yung pag-aaral at ang mag-aral, pero minsan naiinis na rin ako. Kagaya ngayon. Nakakainis na rin kasi pag may mga bagay na ipinipilit ipaaral at ipagawa sa'yo at hindi ka interesado dito. Hindi ka interesado kasi alam mong wala kang paggagamitan.
Natatandaan ko nung Grade 5 ako. Pinag-aralan namin yung iba't-ibang mga uri ng bato.(?) Mga Granite, mga ganun na hindi ko na maalala. Pina-project yun samin. Nagkatampuhan pa kami nung bestfriend ko dahil dun. Isang dekada na mula noon pero hindi ko pa nagagamit yung mga natutunan ko at wala pa akong nahihita sa pagkatuto ko sa mga batong yun.
Mathematics. Yan lang talaga ang subject na pinag-aaralan ko noon kasi kahit anong gawin ko eh hindi ko maintindihan. Tatlong araw ko yang inaaral pag may periodical exam pero hindi ko parin maintindihan. Pinag-aaralan ko, kasi gusto ko palaging maging honor student. Kahit alam kong ang Algebra, Trigonometry, Geometry, etc. ay hindi ko naman talaga kailangan. Ano bang paggagamitan ko nyang mga yan??? Pag nagutom ba ako o kaya ay nagkasakit at walang pera ay may magagawa ang Algebra, Trigonometry at Geometry? Minsan naisip ko na sa bansang mahirap katulad ng Pilipinas ay baka mas praktikal aralin ang iba't-ibang paraan ng pagnanakaw. (eg. Panghoholdap ng bangko, pang i-isnatch, pangungurakot etc.) Malay natin, baka yun pala ang major nung mga nakaupo ngayon sa pwesto. Baka rin nag 'MASTERALS' sila sa ganun.
Hindi ko alam kung bitter lang ako kasi bobo ako sa Math o talagang walang sense ang aralin ang Algebra at ang mga bato para sa isang tulad ko na ang pangarap lang naman ay maging isang abugado at Presidente ng Pilipinas.
Buti pa noong mga sinaunang panahon. Pag isa kang mandirigma, ang aaralin mo lang ay kung paano humawak ng armas, pano umasinta gamit ang palaso, pano mangabayo at ang iba't ibang paraan ng pakikipag-upakan. Pag metalsmith ka eh metal at mga bagay na kaugnay lang sa metal ang pag-aaralan mo. etc.
Sana parang GLOBE POSTPAID ang curriculum. Pwede kang mamili ng pag-aaralan. Kaunti lang naman ang pipiliin ko. RELIGION, ENGLISH, SOCIOLOGY, PHILOSOPHY, STATISTICS, at mga subject na may direktang kaugnayan sa kurso kong BROADCAST COMMUNICATION.
Minsan hindi ko mapigilang isipin na kaya lang tayo pinipilit mag-aral at binigyan ng mga ganyang curriculum ay para maging bobo tayo. Para hindi tayo mag-isip. Ayaw nila tayong mag-isip kaya binibigyan nila tayo ng kung anu-anong iisipin. Baka pag nag-isip tayo ay mas marami tayong makita at mas marami pa tayong maisip. Baka malaman natin yung mga ginagawa nila, at baka magkaroon tayo ideya kung ano ang totoong TAMA at kung ano ang totoong MALI.
Praning lang ata talaga ako...
Walang komento:
Mag-post ng isang Komento